Chevrolet Malibu ва Tracker автомобилларини 2 йил муддатли тўловга сотиб олиш имконияти яратилди

GM Uzbekistan «Ўзagrosуғурта» АЖ билан биргаликда Chevrolet Malibu ва Tracker автомобилларини 2 йил муддатли тўловга сотиб олишни таклиф қилади.

Харидорлар 215 миллион сўм бошланғич тўлов эвазига Malibu Турбо, 190 миллион сўм бошланғич тўлов эвазига Malibu, ҳамда 128 миллион сўм бошланғич тўлов эвазига Chevrolet Tracker харид қилиб, автомобилнинг қолган суммасини икки йил давомида фоизсиз бўлиб тўлаши мумкин.

Бунинг учун эса муддатли тўловга берилаётган сумманинг 4,5% миқдорида молиявий хатардан ҳамда муддатли тўлов суммасининг гаров қийматидан 2% миқдорда суғурта полиси тўловини амалга ошириш кифоя.

Автомобильлар учун суғурта тўлов суммаси қуйидагича:

Tracker А/Т — 1 753 611 (2%) ва 3 945 625 (4,5%)Tracker М/Т —1 126 177 (2%) ва 2 533 898,48 (4,5%)Malibu — 1 715 635 (2%) ва 3 860 178 (4,5%)Malibu Турбо— 1 741 244 (2%) ва 3 917 799 (4,5%)

Автомобиль учун тўлиқ тўлов амалга оширилмагунига қадар дилерда гаровда бўлади. Ойлик тўловлар шартнома тузилган санадан кейинги ойнинг ҳар 15-санасигача амалга оширилиши лозим.

Қайд этиш жоизки, шартнома муддати ва тўлов шартлари бузилишга йўл қўйилган тақдирда келишув бекор қилинади.

Муддатли тўловга фақат дилерларда мавжуд автомобиллар қўйилган бўлиб, уларнинг сони чегараланган.