«Новичок» моддасидан заҳарланган британиялик Путин билан учраштиришни сўради

Британиянинг Эймсбери шаҳрида асабни фалажловчи «Новичок» моддасидан заҳарланиб жабрланган Чарли Роули Россия президенти Владимир Путин билан учрашиш ҳақида сўради, деб ёзади Meduza.

У Лондондаги Россия элчихонасига Россия ҳукумати нима сабабдан уни ва севгилиси Дон Стёржессни заҳарлагани (у оқибатда вафот этган)ни билиш учун борган. «Мен ҳеч қандай жавоб ололмадим, фақат Россия тарғиботини эшитдим, холос», — деди у.

Россия элчиси «Новичок» Россияда эмас, Чехия, Америка ёки Буюк Британияда тайёрланган бўлишини тахмин қилди. «У Россияда тайёрланганида, ҳаммани ўлдирган бўларди», — деган у.

Элчи Россия ҳукуматидан янги маълумот олса, жабрланган британиялик билан боғланишга ваъда берган.