7 март, пайшанба куни футбол бўйича Европа Лигаси 1/8 финали доирасида дастлабки учрашувлари бўлиб ўтди.
Лучано Спалетти қўл остидаги Миланнинг «Интер» клуби Германиянинг Франкфурт Майн шаҳрига сафар қилади. Италияликлар у ерда «Айнтрахт» жамоасига қарши майдонга тушди.
Беллашувда ҳисоб очилмади ва томонлар дуранг натижа қайд этди (0:0).
Унаи Эмери бошқарувидаги Лондоннинг «Арсенал» клуби меҳмонда шаҳар номи билан аталувчи «Ренн» жамоаси билан баҳс бойлади.
Ўйиннинг 4-дақиқасида Алекс Ивоби ҳисобни очган бўлса, 42-дақиқага келиб меҳмон жамоа аъзоси Бенжамин Буржиго ҳисобни тенглаштирди (1:1). 68-дақиқада эса «тўпчилар» ҳимоячиси Лоран Косьелни ўз дарвозасини ишғол қилиб қўйди. Учрашувнинг асосий вақти тугаши 2 дақиқа қолганда Исмоил Сарр францияликлар ғалабасини мустаҳкамлади (3:1).
Шу тариқа «Арсенал» мусобақа 1/8 финалининг дастлабки баҳсида меҳмонда «Ренн» клубига мағлуб бўлди.
Таъкидлаш жоиз, учрашувнинг 41-дақиқасида Сократис Папастатопулос ҳакам томонидан қизил карточка билан жазоланди ва меҳмонлар майдонда бир киши кам бўлиб ҳаракат қилди.
Лондоннинг бошқа бир клуби «Челси» «Стемфорд Бриж»да Киевнинг «Динамо» жамоасини синовдан ўтказди.
Беллашувда Педро Родригес (17), Виллиан (65), Каллум Ҳадсон-Одои нинг (90) голлари «Аристоктарлар»нинг ғалабасини таъминлади.
Италия чемпионатининг 26-туридан ўрин олган баҳсда «Ювентус»га мағлуб бўлган (1:2) «Наполи» ўз майдонида «Зальцбург»ни қабул қилди.
Тўқнашувнинг 10-дақиқасида Аркадиуш Милик ҳисобни очган бўлса, 18-дақиқага келиб Фабиан ҳисобни 2:0 кўринишига олиб келди. 58-дақиқада эса «Зальцбург» жамоаси аъзоси Жероме Онгана ўз дарвозасига гол уриб қўйди.
Шу тариқа Карло Анчелотти шогирдлари мазкур босқичнинг дастлабки ўйинида «Зальцбург»ни йирик ҳисобда мағлубиятга учратди (3:0).
Европа Лигаси
1/8 финал баҳслари
7 март, пайшанба
«Айнтрахт Ф»—«Интер» 0:0
«Динамо Загреб»—«Бенфика» 1:0
Гол: 1:0 — 38 Петкович«Севилья»—«Славия Прага» 2:2
Голлар: 1:0 — 1 Бен Еддер, 1:1 — 25 Стох, 2:1 — 28 Ҳаддадий, 2:2 — 39 Крал«Зенит»—«вилярреал» 1:3
Голлар: 0:1 — 33 Иборра, 1:1 — 35 Азмун, 1:2 — 64 Морено, 1:3 — 71 Морланес«Ренн»—«Арсенал» 3:1
Голлар: 0:1 — 4 Ивоби, 1:1 — 42 Буржиго, 2:1 — 65, автогол, Монреаль, 3:1 — 88 Сарр«Челси»—«Динамо Киев» 3:0
Голлар: 1:0 — 17 Педро, 2:0 — 65 Виллиан, 3:0 — 90 Ҳадсон-Одои«Наполи»—«Зальцбург» 3:0
Голлар: 1:0 — 10 Милик, 2:0 — 18 Фабиан, 3:0 — 58, автогол, Онгана«Валенсия»—«Краснодар» 2:1
Голлар: 1:0 — 12 Родриго, 2:0 — 24 Родриго, 2:1 — 63 КлассонЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)