«Тоттенҳэм» 8 йил ичида илк бор Европа Чемпионлар Лигаси чорак финалига чиқди

5 март, сешанба куни Лондоннинг «Тоттенҳэм» клуби Чемпионлар Лигаси 1/8 финал жавоб ўйинида «Боруссия Д»ни сафарда ҳам мағлуб этди (1:0).

Шу тариқа Лондон клуби икки ўйин натижасига кўра, 4:0 ҳисобида ғалаба қозониб, мусобақанинг чорак финалига чиқди.

«Шпорлар» 8 йил ичида илк марта 1/4 финалга чиқди. Жамоа 2010/11 йилги мавсум мазкур босқичда «Реал»га (0:4, 0:1) ютқазиб, мусобақадан чиқиб кетганди.