2 март, шанба куни футбол бўйича Англия чемпионатининг 29-тури доирасида навбатдаги 5 та учрашув бўлиб ўтди.
Хосеп Гвардиола қўл остидаги «Манчестер Сити» клуби сафарда «Борнмут» жамоасини синовдан ўтказди.
Тўқнашувнинг 55-дақиқасида Риад Маҳрез томонидан киритилган ягона гол «шаҳарликлар»га ғалаба келтирди ва жамоа навбатдаги 3 очкога эга бўлди.
Шу куни Оле-Гуннар Сульшер бошлиқ «Манчестер Юнайтед» клуби ўз майдонида «Саутҳэмптон»ни қабул қилди.
Беллашувнинг 26-дақиқасида меҳмон жамоа аъзоси Янн Валери узоқ масофадан Де Хеа дарвозасини ишғол қилган бўлса, 54-дақиқага келиб Андреас Перейра ҳисобни тенглаштирди. Орадан 5 дақиқа ўтиб Ромелу Лукаку «қизил иблислар»ни ҳисобда олдинга олиб чиқди (2:1). 75-дақиқада эса ярим ҳимоячи Жеймс Уорд-Проуз жарима зарбасидан гол уриб, ҳисобни тенглаштирди. Ўйиннинг асосий вақти якунланишига 1 дақиқа қолганда Ромелу Лукаку яна гол уриб, жамоасининг ғалабасини таъминланди.
АПЛ
29-тур баҳслари
2 март, шанба
«Борнмут»—«Манчестер Сити» 0:1
Гол: 0:1 — 55 Маҳрез«Бёртон»—«Ҳаддерсфилд» 1:0
Гол: 1:0 — 79 Андоне«Бёрнли»—«Кристал Пэлас» 1:3
Голлар: 0:1 — 15 Бардсли, 0:2 — 48 Батшуайи, 0:3 — 76 Заҳа, 1:3 — 90 Барнс«Манчестер Юнайтед»—«Саутҳэмптон» 3:2
Голлар: 0:1 — 26 Валери, 1:1 — 54 Перейра, 2:1 — 59 Лукаку, 2:2 — 75 Уорд-Проуз, 3:2 — 89 Лукаку«Вулверҳэмптон»—«Кардифф» 2:0
Голлар: 1:0 — 16 Йота, 2:0 — 18 ҲименесЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)