АҚШ Конгрессида янги қонун лойиҳаси тақдим этилган бўлиб, унда АҚШ разведка жамоасидан Россия президенти Владимир Путиннинг даромадларини ошкор этиш таклиф этилган. Бу ҳақда Forum Daily хабар берди.
Қонун лойиҳаси Демократик партия вакиллари бўлган флоридалик конгрессчи Вал Деминг ва Нью-йорклик Элиза Стефаник томонидан тайёрланган.
Палата қўмитаси аъзолари Россиянинг АҚШ демократиясига путур етказишга урингани ҳақидаги иддаолар сабабли «Владимир Путин билан муносабатларда траспаретентлик (шаффофлик) тўғрисидаги қонун» (Vladimir Putin Transparency Act) ташаббуси билан чиққан.
«Путин ва унинг тарафдорларига ҳужум қилишнинг энг яхши йўли унинг фаолиятига ҳомийлик қиладиган ноқонуний ва яширин молиявий оқимларни аниқлашдир. Бу саволларга жавоб топиш ва демократиямизни ҳимоя қилиш вақти келди», — деган конгрессмен Деминг.
2018 йилнинг августида АҚШнинг Республикачилар ва Демократлар партияси сенаторлари Конгрессга Россияни терроризмга ҳомийлик қилувчи давлат сифатида тан олиш масаласини таклиф қилган. Конгрессда кўриб чиқиш учун «Америка хавфсизлигини Кремль тажовузидан ҳимоя қилиш тўғрисида» қонун лойиҳаси тақдим этилган. Унда шунингдек, Владимир Путиннинг бутун дунёдаги активлари ва ҳисобларини аниқлаш талаб қилинган.
Изоҳ (0)