AQSh Kongressida yangi qonun loyihasi taqdim etilgan bo‘lib, unda AQSh razvedka jamoasidan Rossiya prezidenti Vladimir Putinning daromadlarini oshkor etish taklif etilgan. Bu haqda Forum Daily xabar berdi.
Qonun loyihasi Demokratik partiya vakillari bo‘lgan floridalik kongresschi Val Deming va Nyu-yorklik Eliza Stefanik tomonidan tayyorlangan.
Palata qo‘mitasi a’zolari Rossiyaning AQSh demokratiyasiga putur yetkazishga uringani haqidagi iddaolar sababli “Vladimir Putin bilan munosabatlarda trasparetentlik (shaffoflik) to‘g‘risidagi qonun” (Vladimir Putin Transparency Act) tashabbusi bilan chiqqan.
“Putin va uning tarafdorlariga hujum qilishning eng yaxshi yo‘li uning faoliyatiga homiylik qiladigan noqonuniy va yashirin moliyaviy oqimlarni aniqlashdir. Bu savollarga javob topish va demokratiyamizni himoya qilish vaqti keldi”, — degan kongressmen Deming.
2018-yilning avgustida AQShning Respublikachilar va Demokratlar partiyasi senatorlari Kongressga Rossiyani terrorizmga homiylik qiluvchi davlat sifatida tan olish masalasini taklif qilgan. Kongressda ko‘rib chiqish uchun “Amerika xavfsizligini Kreml tajovuzidan himoya qilish to‘g‘risida” qonun loyihasi taqdim etilgan. Unda shuningdek, Vladimir Putinning butun dunyodagi aktivlari va hisoblarini aniqlash talab qilingan.
Izoh (0)