2019 йил 16 январда Қорақалпоғистон Вазирлар Кенгашининг «Қорақалпоғистон Республикаси ҳудудида қирғовулларни ҳимоя қилиш ва бош сонини кўпайтириш чора-тадбирлари тўғрисида»ги қарорига мувофиқ Ўзбекистонда 2019—2020 йилларда қирғовулларни овлаш ман этилди. Бу ҳақда ЎзА хабар берди.
Қирғовулларни ноқонуний овлашга йўл қўйган шахсларга амалдаги қонунлар асосида ва белгиланган тартибда тегишли чоралар кўрилади.
Қорақалпоғистон Республикаси ўрмон хўжалиги давлат қўмитаси, овчилар ҳамда балиқчилар жамияти ва бошқа тегишли идора ва ташкилотлар қирғовулларни қўриқлаш бўйича идоралараро назорат ва уларнинг яшаш шароитини яхшилаш бўйича чора-тадбирларни амалга оширади.
Хабарда айтилишича, қарорда кўрсатилган вазифалар тўлиқ бажарилса, республикадаги қирғовулларнинг сони 3—4 баробар кўпаяди.
Изоҳ (0)