Вашингтон Европадаги иттифоқчилардан янги симсиз тармоқларда Хитойнинг ускуналаридан фойдаланишни тақиқлаш учун босим ўтказмоқда. Бу ҳақда «ТАСС» хабар берди.
Дональд Трамп маъмурияти яқин кунларда Қўшма Штатларда шундай тақиқ қўйиш учун тайёрланмоқда.
Вашингтоннинг асосий мақсади Хитой компаниялари, жумладан Huawei’га, Американинг бешинчи авлод мобил алоқа тизимига (5G) киришига йўл қўймасликдир. АҚШ расмийлари аввалроқ Huawei Хитойнинг разведка хизматлари билан алоқаси бўлиши мумкинлигини қайд этган.
Huawei компанияси молиявий директори Мен Wанчжоунинг АҚШнинг илтимоси билан Канадада қўлга олинганидан сўнг декабрь ойининг бошида дунё ҳамжамиятининг диққат марказида бўлган.
Нью-Йорк прокуратураси уни Эронга қарши АҚШ савдо санкцияларини бузганликда айблаган.
Изоҳ (0)