«Нима? Қаерда? Қачон?» халқаро клуби раиси ва клуб билимдони Александр Друзь «Ким миллионер бўлишни хоҳлайди?» дастурининг бош муҳаррири Иля Бер унга савол билан боғлиқ келишув таклиф қилганини айтди. Бу ҳақда «Коммерсантъ» хабар берди.
Друзни фирибгарлик ва пора беришда айблагани ҳақида хабар бергандик. Унда Друзь 2018 йилнинг декабрь ойида «Первий канал» орқали эфирга узатилган дастурни ёзишдан олдин бўлғуси ўйиндаги савол ва жавоблар рўйхатини олдиндан айтишни илтимос қилгани ва бунинг учун оладиган ютуқдан 3 миллион рублни беришини таклиф қилганликда айбланган.
«Бернинг ёзувларида овоз меники ва буни яширмайман, фақат бўлган воқеани Илья Бер мутлақо тескари қилиб айтиб берган. Айнан у менга жавоблар эвазига пул беришимни таклиф қилган»,— дейди Друзь.
Александр Друзнинг сўзларига кўра, у мазкур ҳолатни «Нима? Қаерда? Қачон?»нинг бошқа бир ўйинчиси Виктор Сидневга айтган ва улар нима содир бўлишини кутишга қарор қилган. Илья Бер саволлар ва жавобларни айтиб турганда, жаноб Друзь ва Сиднев, агар дастурда мазкур саволлар янграса улар 15-саволгача ўйнаб, ғалаба қозонмасликларини, кейин эса «Миллионер» раҳбариятига бу ҳақда хабар беришини режалаштирган.
«Бироқ, ҳамма нарса ўйлаганимиздай бўлмади, сўнгги бешта савол бир-бирига тўғри келмади. Биз уларни шунчаки ўйнадик ва ғалаба қозондик. Аммо биз сўнгги саволга тўғри жавоб бермадик, сабаби тўғри жавоб олдиндан айтилганини англадик. Мен ушбу воқеа юз берганидан афсусдаман», — дейди Александр Друзь.
Изоҳ (0)