АҚШдаги президентлик сайловолди беллашувлари бошланиб кетган. 23 январда ушбу лавозимга саккиз нафар америкалик сиёсатчининг номзоди эълон қилинди, дея хабар берди Forum Daily.
Номзодлар орасида матбуотда Дональд Трампнинг асосий потенциал рақиби деб қаралаётганлари ҳам бор.
Камала Ҳаррис
Бугунги кунга қадар сайловолди ҳаракатнинг энг машҳур иштирокчиси. Демократик сенатор. 2016 йил собиқ бош прокурор Калифорния штатидан Конгрессга сайланган. 2018 йилда у Брет Каванони Олий судга тайинлаш пайтидаги жанжал сабаб бутун мамлакатда машҳур бўлиб қолган — Ҳаррис номзодни қаттиқ сўроқ қилишига сабаб унинг келгусида президентлик лавозимига тайёргарлик кўраётгани эди. У Демократик партиянинг порлоқ юлдузи ва Дональд Трамп учун энг хавфли рақиблардан бири.
Элизабет Уоррен
Демократик партиянинг «прогрессив блоки» тарафдори, Дональд Трампнинг кўп йиллик танқидчиси ва Америка сиёсатининг энг обрўли шахсларидан бири бўлган Массачусетц сенатори. 69 ёшли Уоррен сайловга номзодини кўрсатиши билан номзодларнинг биринчи еғилишида иштирок этиш учун Аёва штатига келган. Унинг аризаси энг жиддийларидан бири деб қаралмоқда. Аммо охирги пайтларда унинг исмини кўпчилик америкаликлар иқтисодий тенгсизликка қарши курашиш, ўрта синф вакилларини ҳимоя қилиш, корпорацияларни тўхтатиш билан эмас, балки унинг келиб чиқиши ҳақидаги жанжал билан боғламоқда. Сенатор аждодлари орасида чероки ёки делавер ҳиндулари борлигини айтган ва 2018 йилнинг октябрида буни ДНК тести ёрдамида исботлашга ҳаракат қилган (таҳлил шуни кўрсатадики, сенаторнинг ўн авлод олдинги қариндошлари ҳинду бўлган; лекин черокилар ушбу маълумотларга асосланиб, уни ўз уруғи деб ҳисоблашга тайёр эмаслигини билдирган).
Кристен Гиллибранд
У ўз карьерасини Нью-Йоркдаги вакиллар палатасидан бошлаган. 2009 йилда Ҳиллари Клинтон Давлат котиби этиб тайинланганидан кейин унинг ўрнига Сенатга ўтган. Дастлаб консерватив бўлган Гиллибранднинг сиёсий қарашлари аста-секин сўлчиларникига айланган. Ҳозир эса у «прогрессив» сайловчиларнинг умидига айланган.
Ҳулиан Кастро
Ҳозирда 44 ёшли Кастро 2014 йилда АҚШнинг уй-жой қурилиши бошқармаси раҳбари сифатида ишлаган. Ўша пайт Барак Обама маҳкамасининг энг ёш аъзоси бўлган. Ундан олдин у Сан-Антонио (Техас) шаҳрининг мери лавозимида ишлаган ва энг умидли ёш демократлардан бири ҳисобланган. Бироқ, Трампнинг сайловларидан сўнг унинг карьераси тўхтаб қолган. 2018 йилда Сенат сайловларида Тед Крузга рақиб сифатида иштирок этишдан бош тортган.
Изоҳ (0)