Керч бўғози ҳудудида Танзания байроғи остида ҳаракатланаётган икки кема ёнмоқда, улардан бирида портлаш содир бўлганлиги тахмин қилинмоқда. Бу ҳақда «Росморречфлот» матбуот хизматига таяниб, «Газета.ru» хабар бермоқда.
«Росморречфлот» вакилининг аниқлик киритишича, портлашдан сўнг биринчи кемадаги олов иккинчисига ўтган. У ҳодиса жойига қутқарув буксири яқинлашаётганлигини қўшимча қилган.
Reuters агентлиги кемаларда 31 киши борлигини маълум қилган. Улар орасида Туркия ва Ҳиндистон фуқаролари бор. Баъзи денгизчилар бортдан пастга сакраётганлиги маълум қилинмоқда.
Шунингдек, қутқарувчилар «Канди» ва «Maэстро» кемаларидаги ёнғинда ҳалок бўлган денгизчининг жасадини топганлиги хабар қилинмоқда. Қутқарувчилар тирик қолган уч нафар денгизчини ҳам топганлиги таъкидланмоқда. Улар бортга олиб чиқилган.
Изоҳ (0)