Тожикистон ҳукумати қошидаги фавқулодда вазиятлар ва фуқаро мудофааси Қўмитаси қутқарувчилари Панжикент шаҳри қишлоқларидан бирида қор кўчкиси остидан эркакнинг жасадини топди, унинг шериги 20 ёшли Масиҳ Орзуевни қидирув ишлари давом этмоқда. Бу ҳақда ASIA-Plus хабар берди.
30 ёшли Абдушафий Тиллоевнинг жасади яқинларига етказилган. Эркаклар 14 январь куни тоққа ўтин тергани борган вақтида кўчки остида қолган.
Бир ҳафта аввал Фавқулодда вазиятлар Қўмитаси тоғли ҳудудлардаги кучли ёғингарчиликлар сабабли тоғли ҳудудларда қор кўчиш хавфи сақланиб қолаётганлиги ҳақида огоҳлантирган.
Январь ойи Тожикистоннинг турли туманларида қор кўчкилари қайд этилган. Ўндан ортиқ қор кўчкилари 11 январь куни Душанбе—Хўжанд трассасини тўсиб қўйган, трасса бир неча соат давомида тозаланган.2017 йилнинг январида қор кўчкиси оқибатида Тожикистонда етти киши ҳалок бўлган
Изоҳ (0)