Британия парламенти Мэйнинг режасига қарши овоз берди

Британия парламенти бош вазир Тереза Мэй томонидан таклиф қилинган «брехит» бўйича келишувига қарши овоз берди. Бу ҳақда «Дожд» хабар берди.

432 нафар депутатлар қарши овоз берган, 202 нафари эса қўллаган.

Мэй келгуси ҳаракатлар бўйича режани 21 январгача тақдим этишга ваъда бермоқда. Шу билан бирга лейбористлар етакчиси Жереми Корбин Мэйнинг ҳукуматига ишончсизликни ифодалаш бўйича ҳаракатлар бошлашини маълум қилган. У мазкур масалани 16 январь куни муҳокама қилади.

Аксарият депутатлар аввалроқ Мэйнинг Евроиттифоқ раҳбарияти билан эришган келишувларини танқид қилган. Танқиднинг асосий мавзуси бўлган нуқта бу Шимолий Инрландия ва Ирландия ўртасидаги чегараларнинг 1998 йилдаги каби шаффоф бўлиб қолишидир.

Депутатлар бунинг натижасида Лондон Шимолий Ирландия устидан назоратни йўқотиши мумкин.

Бундан ташқари, турли ҳудудларда турли божхона тартибилари амал қилади ва Лондоннинг учинчи мамлакатлар билан савдо алоқалари имкониятларини чегаралайди. Шунингдек Британия янги келишув имзоламагунига қадар ЕИ божона иттифоқидан чиқолмайди.

Мэй ва Евроиттифоқ раҳбарияти «брехит» шартларини 2018 йилнинг ноябрида келишиб қўйган. Евроиттифоқ эришилган келишувлар қайта кўриб чиқилмаслиги ҳақида огоҳлантирди. Дастлаб Британия парламенти мазкур келишув бўйича 11 декабрь куни овоз бериши кутилганди, аммо бош вазир ҳал этилмаган масалалар сабабли сайловни кечиктирди.

Буюк Британия Евроиттифоқдан 29 март куни чиқиши лозим.