РФ президенти Владимир Путин Россиянинг қурол-яроғ пойгасига муҳтож эмаслиги, Москва Вашингтон билан ўрта ва яқин оралиқдаги ракеталарни тугатиш тўғрисидаги келишувни сақлаб қолиш учун Вашингтон билан музокараларга тайёр эканлигини маълум қилди. Бу ҳақда «РБК» хабар берди.
Путиннинг сўзларига кўра, Қўшма Штатлар қуролларни назорат қилиш бўйича халқаро битимларни Вашингтон манфаатларига жавоб берадиган қисмдагина бажаради. Путин бундай сиёсатнинг салбий оқибатларга олиб келишини таъкидлади.
Шу билан бирга, Россия «Америка ракеталарини айлантиришига кўз юммайди», — деди Путин. Хавфсизликка бевосита таҳдид қилинган тақдирда Москва ҳам чора кўришга мажбур бўлишини таъкидлади. «Бироқ, Россия масъулиятли ва ақл билан иш кўрадиган давлат сифатида янги қурол-яроғ пойгасидан манфаатдор эмас», — дейди президент.
Путин ўрта ва яқин оралиқдаги ракеталар тўғрисидаги битимни сақлаб қолиш учун Москва Вашингтон билан мулоқотга тайёр эканини қайд этди. Декабрь ойида Россия Америка томонига ушбу масала бўйича бир нечта таклифлар жўнатган.
АҚШ президенти Дональд Трамп 2018 йилнинг 20 октябрида ўрта ва яқин масофадаги ракеталарни тугатиш битимидан чиқиш режаси ҳақида эълон қилган. Москва эса ҳеч қандай келишув мажбуриятларни бузмаганлигини маълум қилди.
АҚШ Давлат департаменти 15 январь куни Москва билан музокаралар олиб борганини ва ушбу учрашувни умидсиз деб атаганини билдирди. «Учрашувдан ҳеч қандай умид йўқ, кўриниб турибдики, Россия ушбу шартномани бузишда давом этади», — дейди АҚШ Давлат котиби ўринбосари Андреа Томпсон.
Россия Ташқи ишлар вазирлиги бошлиғи ўринбосари Сергей Рябков учрашувдан сўнг Америка томонига янги музокаралар таклиф қилинганини, бироқ АҚШ буни рад этганини айтди.
Изоҳ (0)