Молдавиялик спортчи-экстремал Дмитрий Волошин 50 километр масофани Ёқутистоннинг минус 60 даража совуғида югуриб ўтиш бўйича рекорд қайд этди. Бу ҳақда «РИА Новости» хабар берди.
Оймякон ҳудуди бундан 80 йил олдин -71,2 даража совуқ қайд этилган Совуқ қутби саналади.15 январь куни спортчи 50 километр масофани -60°C совуқда югуриб ўтган. Метеорологик маълумотларга кўра, ҳис қилинган ҳақиқий ҳаво ҳарорати -67 даражани ташкил қилган. Қайд этилишича,
Волошин шифокорлар ва қутқарувчилар кўмагисиз шундай масофани паст ҳароратда босиб ўтган биринчи спортчи саналади.
Экстремалнинг сўзларига кўра, ҳеч қандай либос Ёқутистон совуқларига дош беролмайди.«Бу менинг спорт фаолиятимдаги энг оғир синов бўлди. Бу очиқ осмонга чиқиш билан баробар, жуда совуқ ҳаво етишмайди. Ҳеч қандай кийим сени бундай совуқдан асрай олмайди. Югуриш пайтида юзимни музлатиб қўймадим, деган умиддаман. Нафас олишга жуда қийналдим — ҳавода кислород жуда кам эди. Менга нафасни ушлаб туриш билимим ас қотди», — дейди Волошин.
Ҳайрия югуриш мусобақаси фалаж билан касалланган 4 ёшли қизалоқ Ева Письменюк учун ўтказилган.Волошин ушбу тадбирда совуқда югуриш бўйича рекорд қайд этди.
Изоҳ (0)