Жанубий Корея ҳукумати Иккинчи жаҳон уруши даврида корейс ишчиларини мажбурий равишда ишлатгани масаласи юзасидан Япониянинг етакчи металлургия компанияларидан бирининг мулкини мусодара қилишни бошлади. Бу ҳақда «ТАСС» хабар қилди.
1965 йилда Токио ва Сеул ўртасида муносабатларни нормаллаштириш бўйича икки томонлама битим имзоланган эди.
Битимга кўра, икки мамлакат ўзаро моддий шикоятлардан воз кечган эди. Мусодара ҳақидаги хабарни олиши билан Япония дарҳол Сеулдан битим билан боғлиқ маслаҳатлашувни талаб қилди.
Вазирлар Маҳкамаси бош котиби Ёсихиде Суга 9 январда Токиода ўтказилган матбуот анжуманида Япония ҳукуматининг Жанубий Корея ҳаракатларидан жуда ташвишланаётганини айтди.
«Бу ҳаракатлар халқаро ҳуқуққа мутлақо зиддир,» – дейди бош котиб.
Ўтган йили кузда Корея Республикаси Олий суди Nippon Steel & Sumitomo Metal номли япон компаниясининг тўрт нафар собиқ ишчиларига товон пули тўлашга қарор қилган.
Гап мажбурий меҳнат учун тўланган 400 миллион вон (350 минг доллар) ҳақида боряпти. Ҳозирда тўртта даъвогардан фақат биттаси тирик қолган.Аввалроқ, Жанубий Кореядаги суд Nippon Steel & Sumitomo Metal товон пули тўламаган тақдирда, ушбу корпорация мулкини қонуний равишда мусодара қилинишини айтган эди. Япония ҳукумати Жанубий Кореянинг мажбурий меҳнатга бўлган талабларини рад этган.
Изоҳ (0)