Дунёнинг энг бой одами — Amazon компанияси асосчиси Жефф Безос рафиқаси Маккензи Безос билан ажрашаётганини маълум қилди. Бу ҳақда миллиардер Twitter’да ёзган, деб хабар берди «Ведомости». Безоснинг қўшимча қилишича, эр-хотин анча вақтдан буён бирга яшамаяпти.
Бизнесмен Twitter’да рафиқаси билан қўшма баёнотни эълон қилган. Хабарда қайд этилишича, улар ажрашганидан сўнг қўшма лойиҳаларда ва инвестицияларда ҳамкорлик қилишда давом этади.
Жефф Безос ва Маккензи 1992 йилда танишган. Жуфтлик 1993 йилда турмуш қурган, уларнинг тўрт нафар фарзанди бор. 2017 йилда улар Day One Fund қўшма хайрия жамғармасини тузган.
2018 йилнинг март ойида Forbes миллиардернинг бойлигини 112 миллиард долларга баҳолаган. 7 январь куни Amazon бозор капитализацияси бўйича Apple’ни ортда қолдирди ва дунёдаги энг қиммат компанияга айланди. Amazon’нинг бозор капитализацияси 796 миллиард долларни ташкил қилмоқда.
Изоҳ (0)