Ўзбекистонда 2020 йилдан бошлаб «Замонавий мактаб» лойиҳаси доирасида илк намунали таълим муассасалари қурилиши бошланади. Бу ҳақдаги Президент қарори лойиҳаси Normaтив-ҳуқуқий ҳужжатлар лойиҳалари муҳокамаси порталига жойлаштирилди.
Мазкур мактабларда махсус таълим стандартлари ва ўқув дастурлари, ўқитиш жараёнини ташкил этишга алоҳида талаблар, мактаб фаолиятини баҳолаш мезонлари, педагог кадрлар ва ўқувчиларни танлаш ҳамда баҳолаш механизмлари, шунингдек, мослаштирилган ўқув адабиётлари амалда бўлади.
2020—2024 йилларда мамлакатда 126 та шундай мактаб қуриш ва 704 та мактабни янги стандартларга мослаштириш режалаштирилмоқда.
2030 йилгача Ўзбекистонда замонавий мактаблар сони жами умумтаълим муассасаларининг 50 фоизи ёки 4860 тага етказиш кўзда тутилган.
Изоҳ (0)