O‘zbekistonda 2020-yildan boshlab “Zamonaviy maktab” loyihasi doirasida ilk namunali ta’lim muassasalari qurilishi boshlanadi. Bu haqdagi Prezident qarori loyihasi Normativ-huquqiy hujjatlar loyihalari muhokamasi portaliga joylashtirildi.
Mazkur maktablarda maxsus ta’lim standartlari va o‘quv dasturlari, o‘qitish jarayonini tashkil etishga alohida talablar, maktab faoliyatini baholash mezonlari, pedagog kadrlar va o‘quvchilarni tanlash hamda baholash mexanizmlari, shuningdek, moslashtirilgan o‘quv adabiyotlari amalda bo‘ladi.
2020—2024-yillarda mamlakatda 126 ta shunday maktab qurish va 704 ta maktabni yangi standartlarga moslashtirish rejalashtirilmoqda.
2030-yilgacha O‘zbekistonda zamonaviy maktablar soni jami umumta’lim muassasalarining 50 foizi yoki 4860 taga yetkazish ko‘zda tutilgan.
Izoh (0)