Бандлик ва меҳнат муносабатлари вазирлиги тасарруфидаги 2-сонли Тошкент юридик коллежи биносида «Корейс тили маркази» очилди. Бу ҳақда вазирлик матбуот хизмати хабар берди.
Бундан кўзланган асосий мақсад Жанубий Кореяда ишлаш истагида бўлган Ўзбекистон фуқароларини корейс тили ва ушбу мамлакатда энг кўп талаб этиладиган мутахассисликлар бўйича касбларга ўқитиш орқали уларнинг муносиб иш топишига кўмаклашишдир.
Марказнинг расмий очилиш маросимида Корея Республикасидаги Ўзбекистон элчихонаси фахрий консули, мамлакатдагиЎзбекистон савдо ваколатхонаси президенти, Evergreen Motors group компанияси бош директори Эдуард Ким, Корея малакани ривожлантириш институти президенти Ким Ён Се, Бандлик ва меҳнат муносабатлари вазири ўринбосари Нодирбек Якубов иштирок этди.
Маросимда «Корейс тили маркази» сингари ўқув муассасаларини босқичма-босқич Фарғона, Қарши, Нукус ва республиканинг бошқа ҳудудларида ташкиллаштирилиши маълум қилинди.
Изоҳ (0)