Тошкент халқаро аэропорти божхоначилари нақд хорижий валютани Ўзбекистондан ташқарига ноқонуний олиб чиқилишининг олдини олди. Бу ҳақда «Дарё»га Божхона қўмитаси ахборот хизмати маълум қилди.
«Тошкент—Кобул» йўналиши бўйича учиб кетаётган фуқаро Ш.Ш. «яшил» йўлак орқали ҳаракатланиш чоғида божхона ходимларининг эътиборини тортди.
Шундан сўнг ушбу шахс белгиланган тартибда шахсий кўрикдан ўтказилганда, унинг эгнидаги курткасининг чўнтакларида божхона назоратига тақдим қилинмаган ва божхона ходимининг оғзаки сўровида айтилмаган, жисмоний шахслар учун белгиланган олиб чиқиш меъёридан ортиқ бўлган жами 25350 АҚШ доллар борлиги аниқланди.
Ҳозирда мазкур ҳолат юзасидан суриштирув олиб борилмоқда.
Изоҳ (0)