Халқаро ногиронлиги бўлган инсонлар кунида 100 га яқин ота-оналар, ёшлар, ҳукумат вакиллари, ногиронлар жамиятлари аъзолари ва БМТ ваколатхоналари ходимлари биргаликда ногиронлиги бўлган инсонларнинг сиёсий, ижтимоий, иқтисодий ва маданий ҳаётнинг ҳар бир жабҳасидаги ҳуқуқлари ва фаровонлигини илгари суриш учун йиғилди, деб хабар беради БМТнинг Ўзбекистондаги ваколатхонаси матбуот хизмати.
БМТнинг Ўзбекистондаги жамоаси «Илҳом» театрида «Activation 2.0» – «Фаоллаштириш 2.0» номли форум ўтказди. Ногиронлиги бўлган инсонлар ўзлари дуч келаётган тўсиқлар, шу билан бирга қийинчиликларни енгиб эришган ютуқлари тўғрисида сўзлаб берди. Улар инклюзивлик ногиронлиги бўлган инсонлар ўз салоҳиятларини тўлиқ амалга оширишлари учун кўплаб имкониятлар беришини таъкидлади.
«Ногиронлик атрофимизда. Афсуски, дунё миқёсида ногиронлиги бўлган 1 миллиард инсонларнинг жуда кўпчилиги ҳали ҳам назардан четда қолмоқда, уларнинг эҳтиёжлари ва манфаатлари кўринмас бўлиб қолмоқда, уларнинг ҳиссаларига эътибор берилмаяпти, ҳамда меҳнат маҳсулдорлиги талаб қилинмаяпти», — деди БМТнинг Ўзбекистондаги доимий вакили Хелена Фрейзер.
Шунингдек, у БМТ ҳукумат ва ногиронлар жамиятлари билан биргаликда ногиронлиги бўлган инсонлар тўғрисидаги қонун лойиҳаси устида ишлаётганини ҳам айтиб ўтди.
«Фаоллаштириш 2.0» форуми бошланишидан олдин «Илҳом» театрида «Биз: Инклюзив» деб номланган кўргазма очилди. Ушбу кўргазма қарор қабул қлувчи масъул шахслар ва халқаро ташкилотлар учун ногиронлиги бўлган инсонлар ҳаётига назар солиш имконини беради.
«Ногиронлиги бўлган болалаларни муассасаларга жойлаштириш, уларни оилаларидан ажралган ҳолда яшашлари эҳтимоли ногиронлиги бўлмаган болаларга нисбатан 74 баробар кўпдир» – деди UNICEF’нинг Ўзбекистондаги ваколатхонаси раҳбари ўринбосари Афшин Парси. У ногиронлиги бўлган инсонлар, жумладан болалар аҳволини яхшилаш учун нималар зарур эканлигини белгилашда чуқур таҳлил зарур эканлигини ҳам таъкидлади.
3 декабрь – Халқаро ногиронлиги бўлган инсонлар куни ҳар йили уларнинг барча соҳалардаги ҳуқуқлари ва фаровонлигини илгари суриш мақсадида нишонланади. Ушбу куннинг 2018 йилдаги шиори - «Ногиронлиги бўлган инсонларнинг имкониятларини кегайтириш ҳамда инклюзивлик ва тенгликни таъминлаш». Бу кун ногиронлиги бўлган инсонларни инклюзив, тенг ҳуқуқли ва барқарор ривожланишдаги иштирокини кенгайтиришга қаратилган.
Шу кунгача 177 та мамлакат ногиронлиги бўлган инсонлар ҳуқуқлари тўғрисидаги конвенцияни ратификация қилган. Ўзбекистон ушбу конвенцияни имзолаган бўлиб, уни ратификация қилиш ногиронлиги бўлган инсонлар ҳуқуқлари масалалари ҳар томонлама ҳал этилишини таъминлайди.
Изоҳ (0)