Андижон вилояти Бўз туманида фаолият юритувчи «Бунёдкор мадад ҳамкор» масъулияти чекланган жамиятининг бюджет ва бюджетдан ташқари мақсадли жамғармалардан бўлган 204 миллион 966 минг сўмлик солиқ қарзини ундириш мақсадида хатланган Howо русумли юк автотранспорт воситаси аукцион орқали 379 миллион 714 минг 720 сўмга сотилди. Бу ҳақда ЎзА хабар бермоқда.
2016 йилда корхонада ўтказилган текширишда солиқ қонунчилиги бузилганлиги аён бўлди. Андижон вилояти хўжалик судининг 2017 йил 9 январдаги ҳал қилув қарори билан 187 миллион 753 минг сўм молиявий жарима қўлланилиб, уни ихтиёрий тўлаш учун «Бунёдкор мадад ҳамкор»га 30 кунлик муддат берилган эди. Бироқ жамият ушбу суммани тўлашни пайсалга солди.
Суд сўнгги чора — қарздорликни мол-мулк ҳисобидан ундириш бўйича ижро варақаси чиқарди. Ҳужжатлар асосида Мажбурий ижро бюроси туман бўлими билан ҳамкорликда жамиятга тегишли Howо юк машинаси аукционда 379 миллион 714 минг сўмга сотиш орқали қарздорлик тўлиқ ундириб олинди.
Изоҳ (0)