Chevrolet Tracker Captiva’га рақобатчи эмас. Tracker анча кичик ва анча арзон машина, Chevrolet модель қаторида энг арзон кроссовер. Бу ҳақда Фарҳод Файзуллаев ўзининг Telegram’даги каналида фикр юритган.
«Интернетни 15 дақиқа титкиладим ва Tracker’ни Cobalt’га солиштирдим. Tracker Cobalt’дан 23 сантиметр — бир қаричга калтароқ. Cobalt ўзи катта эмас, Tracker эса ундан сезиларли кичкина», дея ёзади муаллиф.
«Чунки Tracker’нинг багажниги йўқ-да», дейишингиз мумкин. Унда келинг, ғилдираклари орасидаги масофани ўлчаймиз (колёсная база). Бунда ҳам Cobalt каттароқ — унинг баллонлари орасидаги масофа Tracker’га солиштирганда 6,5 сантиметрга узунроқ. «Колёсная база» калта дегани машина орқасидаги ўриндиқлар ва олд ўриндиқлар ораси тор дегани.
«Ана шунақа, жа зўр машина эмас. Cobalt’дан кичикроқ бўлсаям, ўзи яхшироқ, янгироқ. Аммо Captiva’га конкурент эмас. Нархиям Cobalt ва Gentra’дан баланд, аммо Malibu ва Captiva’дан анча арзон бўлса керак», деб хулоса қилади муаллиф.
Изоҳ (0)