Сўнгги йилларда Ўзбекистонда табиий газ истеъмоли 1,3 баробарга ошиб, йиллик 65 миллиард метр куб газ қазиб олиш даражасида 50 миллиард метр кубни ташкил этади. Қуйида соҳа мутахассисларининг ушбу масала юзасидан фикрлари келтириб ўтилади.
Бугунги кунда Ўзбекистондаги 95 фоиз газ истеъмолчиларининг хонадонида газ ҳисоблагич ўрнатилган. Бироқ маълумотларни йиғишнинг замонавий тизими мавжуд эмаслиги республика ҳудудида истеъмол қилинаётган газни ҳисобга олиш ва унинг истеъмолини назорат қилишга имкон бермайди.
Расмий статистик маълумотларга кўра, истеъмолчилардан табиий газ учун тўловларни йиғиб олиш даражаси 60 фоизни ташкил этади.
Ўзбекистон Президенти Шавкат Мирзиёевнинг фармони билан 2017 йилнинг май ойида Ўзбекистон Бош прокуратураси ҳузурида Мажбурий ижро бюроси ташкил этилди. Бюро фаолият бошлаган кундан ҳозирга қадар аҳолидан 5,4 триллион сўм миқдоридаги қарздорликни ундиришга муваффақ бўлган.
«Ўзбекнефтгаз» республика газтранспорт тизимини модернизация қилиш учун инвесторлар излаш ишини жадаллаштирди. Ушбу ғояни амалиётга татбиқ этиш нафақат катта миқдордаги инвестицияни, балки газ таъминотини ҳисоб-китоб қилиш тизимини тубдан ўзгартиришни талаб этади.
Сентябрь ойи ўрталарида нефть газ компанияси раҳбарияти Осиё тараққиёт банки делегацияси билан республика газтранспортини ривожлантириш, модернизация қилиш, қайта техник жиҳозлаш масалалари бўйича музокаралар ўтказди.
Худди шундай музокаралар август ойида Тошкент шаҳрида Европа тикланиш ва тараққиёт банки билан бўлиб ўтди.
Аввалроқ «Ўзбекнефтгаз» республика газ ўтказгичлари тизимини 2018—2025 йилларда 1,5 миллиард доллар эвазига модернизация қилиш дастурини ишлаб чиқаётганини маълум қилган эди.
Ушбу дастур янги газ ўтказгичлари ва компрессор станцияларини қуриш, газ қазиб чиқарувчи агрегатларни модернизация қилиш ва алмаштириш, газ ўтказгичлардаги «энергетик тор жой»ларни бартараф этишни кўзда тутади.
Изоҳ (0)