Адлия вазирлигининг «Ҳуқуқий ахборот» Telegram каналида Давлат йўл ҳаракати хавфсизлиги хизмати органларида давлат рўйхатидан ўтказилмайдиган транспорт воситалари ҳақида маълумот берилди.
Қуйида ушбу транспорт воситалари рўйхати билан танишишингиз мумкин:
— ёпиқ жойларда ва қишлоқ хўжалигида қўлланиладиган умумий йўлларда фойдаланишга мўлжалланмаган технологик транспорт воситалари (трактор, трактор тиркамалари, қурилиш-йўл ва мелиоратив техникаси, ўзиюрар ва қишлоқ хўжалиги машиналари);
— фақат конларда, шахта ва карерларда қўлланиладиган махсус транспорт воситалари;
— трамвай ва троллейбуслар;
— Мудофаа, Ички ишлар вазирликлари, Давлат хавфсизлик хизмати, Миллий гвардиясига тегишли бўлган ҳарбий транспорт воситалари.
«Ушбу транспорт воситаларини давлат рўйхатидан ўтказиш белгиланган тартибда тегишли вазирликлар ва идоралар томонидан амалга оширилади», — дейилади хабарда.
Изоҳ (0)