Австралия полицияси ҳазил тариқасида қулупнайлар ичига игна солиб чиққан ўсмир болани қўлга олди, деб ёзади «Газета.ru».
Ўспирин айбига иқрор бўлган ва ўз хатти-ҳаракатларини «шўхлик» деб атаган. Полиция бошқа гумонланувчиларни қидиришда давом этмоқда.
Австралия бош вазири Скотт Моррисон меваларга игна санчиган ёвуз ниятлилар учун жазони 15 йилгача бўлган қамоқ билан кучайтиришни таклиф қилди.
Ўсмирнинг мақсади ҳозирча ноаниқ. Унинг хатти-ҳаракатлари фермер хўжаликларига катта зарар етказгани айтилмоқда.
Аввалроқ Австралиянинг Квинсленд штати расмийлари қулупнайларга тикиш игналарини санчиб кетаётганларни топишга ёрдам берадиган маълумотни етказган кишига 100 минг Австралия доллари миқдорида мукофот эълон қилганди. Игна ва тўғноғичлар олтита турли ишлаб чиқарувчининг қулупнайларида топилган.
Изоҳ (0)