АҚШ президенти Дональд Трамп 2001 йил 11 сентябрда юз берган терактлардан кейин жорий қилинган санкцияларни бир йилга узайтирди. Бу ҳақда «РИА Новости» хабар берди.
Давлат раҳбари томонидан конгресснинг иккала палатаси раҳбарларига юборилган мактубда таъкидланишича, АҚШ миллий хавфсизлиги, ташқи сиёсати ва иқтисодиёти учун фавқулодда хавф сақланиб қолмоқда.
Шу муносабат билан АҚШ президенти терроризмни амалга оширувчи, амалга ошириш билан таҳдид қилувчи ва уни қўллаб-қувватловчи шахсларга нисбатан эълон қилинган фармонда кўрсатилган фавқулодда ҳолатни яна бир йилга чўзишни зарур деб ҳисоблаган.
2001 йил 11 сентябрда амалга оширилган терактлар АҚШ тарихидаги энг йириги бўлган. Террорчилар бир нечта йўловчи самолётни эгаллаб олган ҳамда уларни Нью-Йоркдаги осмонўпар биноларга ва Пентагон биносига йўналтирган, битта самолёт Пенсильванияда қулаган. Теракт оқибатида уч мингдан ортиқ киши ҳалок бўлган.
Изоҳ (0)