Avstraliya politsiyasi hazil tariqasida qulupnaylar ichiga igna solib chiqqan o‘smir bolani qo‘lga oldi, deb yozadi “Gazeta.ru”.
O‘spirin aybiga iqror bo‘lgan va o‘z xatti-harakatlarini “sho‘xlik” deb atagan. Politsiya boshqa gumonlanuvchilarni qidirishda davom etmoqda.
Avstraliya bosh vaziri Skott Morrison mevalarga igna sanchigan yovuz niyatlilar uchun jazoni 15 yilgacha bo‘lgan qamoq bilan kuchaytirishni taklif qildi.
O‘smirning maqsadi hozircha noaniq. Uning xatti-harakatlari fermer xo‘jaliklariga katta zarar yetkazgani aytilmoqda.
Avvalroq Avstraliyaning Kvinslend shtati rasmiylari qulupnaylarga tikish ignalarini sanchib ketayotganlarni topishga yordam beradigan ma’lumotni yetkazgan kishiga 100 ming Avstraliya dollari miqdorida mukofot e’lon qilgandi. Igna va to‘g‘nog‘ichlar oltita turli ishlab chiqaruvchining qulupnaylarida topilgan.
Izoh (0)