Германия фуқаролари АҚШ президенти Дональд Трампнинг сиёсати оқибатларидан кўпроқ қўрқади. Бу ҳақда Германиянинг V Версичерунг$/ЭХ$ суғурта компанияси сўровига таяниб, «РИА Новости» хабар берди.
«Немислар қўрқуви 2018» номли жамоатчилик фикрини ўрганишга қаратилган тадқиқот шундай натижаларни кўрсатган. Хабар берилишича, германияликларнинг 69 фоизи Америка етакчиси олиб бораётган сиёсатнинг салбий оқибатларидан хавфсирайди.
Германияликларнинг иккинчи ўриндаги хавотири мамлакатнинг қочоқлардан тўлиб кетганлиги ҳисобланади. Аҳолининг 63 фоизи ана шу фикрни билдирган. Ўтган йилда бу хавотирни билдирганлар 57 фоизни ташкил қилган. Мамлакатга кириб келаётган муҳожирлар, бу ерда аллақачон жойлашганлар ва Германиянинг туб аҳолиси ўртасида таранглик юзага келишидан аҳолининг 63 фоизи хавотирга тушмоқда.
Германияликларнинг тўртинчи ўринда турадиган хавотири сиёсатчиларнинг муаммолар гирдобида қолгани бўлиб чиққан. Хавотирлар рейтингида бешинчи ўринни терроризм эгаллаган.
Изоҳ (0)