5 сентябрь куни Кобул ғарбида содир бўлган теракт учун жавобгарликни ИШИД ўз бўйнига олди, деб ёзади «Интерфакс» Афғонистон ОАВларига таяниб.
Чоршанба куни кечқурун Дашти Барчи туманидаги Қалъаи Назир даҳасида жойлашган спорт клубида биринчи портлаш юз берди. Мусобақалар чоғида залга худкуш террорчи кириб олиб, портловчи қурилмани ишга туширган.
Кейинроқ спорт клуби яқинида полициячилар ва журналистлардан иборат оломон яқинида миналанган автомобиль портлатилди.
Теракт қурбонлари сони 20 кишига етди. Бундан ташқари, 70 киши яраланди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)