Наманган вилоятининг Уйчи туманида «Хизробод» мажмуаси фойдаланишга топширилди. Бу ҳақда «Дарё» мухбири хабар бермоқда.
Тадбиркор Авазбек Абдуллаев томонидан 1,5 миллиард сўм эвазига бунёд этилган мажмуадан тўй ва маросимлар зали, аёллар ва эркаклар учун фитнес-клуб, гўзаллик салони, диагностика маркази, новвойхона, кафе, музқаймоқ павилони, савдо шохобчаси, қурилиш маҳсулотлари дўкони, мини-футбол майдони ўрин олди.
Мажмуада 60 га яқин янги иш ўрни яратилди. Келгусида яна 40 кишини ишга олиш мўлжалланган.
«Хизробод» мажмуаси ҳамда «Ёшлар меҳнат маркази»нинг очилиш маросимида вилоят ҳокими Хайрулло Бозоров, Уйчи тумани ҳокими вазифасини бажарувчи Муҳаммадаюбхўжа Апақов сўзга чиқиб, барчани айём билан табриклади ва мажмуа аҳолига узоқ йиллар хизмат қилишини тилади.
Очилиш маросимига кам таъминланган оила фарзандларидан 14 нафарининг ҳатна тўйи ҳам уланиб кетди. Уларга кийим-бош, велосипед совға қилинди.
Изоҳ (0)