Россиянинг Замонавий Афғонистонни ўрганиш маркази етакчи мутахассиси Андрей Серенко Тошкентда афғон муаммоси бўйича бўлиб ўтган учрашув, «Толибон» делегациясининг ташрифи ва Президент Шавкат Мирзиёевнинг ҳаракатлари Ўзбекистонни афғон муаммосини ҳал қилишда асосий иштирокчига айлантираётганини айтди, деб ёзади Sputnik.
Экспертнинг қайд этишича, Шавкат Мирзиёевнинг ҳокимият тепасига келиши билан, Ўзбекистон Афғонистондаги вазиятни тинч йўл билан тартибга солиш борасида фаоллик кўрсатишни бошлади ва мамлакат ҳукуматини иқтисодий ҳамкорлик лойиҳаларига «кўмиб ташлади».
«Ушбу ташаббусларга энди Тошкент толиблар томонини жалб қилишга уринмоқда, ҳеч бўлмаса, хавфсизликни таъминлаш соҳасида», — дея қўшиб қўйди у.
Ҳам расмий ҳукуматни, ҳам толибларни жалб қилган ҳолда қўшма иқтисодий лойиҳаларни амалга ошириш жуда оқилона қадам, деб ҳисоблайди Серенко. Бу томонлар ўртасидаги мулоқотни кучайтириш имконини бериб, пировардида ярашувга олиб келади.
«Ҳозирча уруш асосий бизнес бўлиб қолмоқда… Уруш шунгача давом этади. «Толибон» урушдан эмас, тинчликдан пул ишлаб топишдан кўпроқ манфаатдор бўлсагина, у музокаралар столига ўтиради», — деди эксперт.
Изоҳ (0)