«Ўзбекистон темир йўллари» акциядорлик жамиятида «Рохи охани Тожикистон» давлат унитар корхонаси раҳбари Комил Мирзоали бошчилигидаги делегация билан учрашув бўлиб ўтди. Унда АЖ бошқарув раиси ўринбосари Акмал Камолов иштирок этди. Бу ҳақда «Газета.uz» хабар берди.
Тожикистон Республикасининг аксарият экспорт ва импорт ташувлари Ўзбекистон худуди орқали амалга оширилади. Шу боис йиғилишда асосий эътибор транзит юклари олиб ўтишда қўшимча имтиёз ва преференциялар яратиш бўйича амалга оширилиш лозим бўлган тадбирларга қаратилди.
Ўзаро суҳбат чоғида юк ва йўловчи ташишни кўпайтириш масалалари ҳам атрофлича муҳокама этилди. Олиб борилган музокаралар якунига кўра, Тожикистон йўловчи поездларининг Ўзбекистон ҳудудидан ўтишида 25 фоиз чегирмалар тақдим этиш, Термиз, Қарши ва Самарқанд вокзалларида тўхтаб ўтиш, йўловчиларга намунали хизмат кўрсатишни ташкил этиш бўйича келишувга эришилди.
Учрашув якунида махсус баённома имзоланди.
Изоҳ (0)