Ekspert: Toshkent afg‘on muammosini hal qilishda yetakchiga aylanmoqda

Rossiyaning Zamonaviy Afg‘onistonni o‘rganish markazi yetakchi mutaxassisi Andrey Serenko Toshkentda afg‘on muammosi bo‘yicha bo‘lib o‘tgan uchrashuv, “Tolibon” delegatsiyasining tashrifi va Prezident Shavkat Mirziyoyevning harakatlari O‘zbekistonni afg‘on muammosini hal qilishda asosiy ishtirokchiga aylantirayotganini aytdi, deb yozadi Sputnik.

Ekspertning qayd etishicha, Shavkat Mirziyoyevning hokimiyat tepasiga kelishi bilan, O‘zbekiston Afg‘onistondagi vaziyatni tinch yo‘l bilan tartibga solish borasida faollik ko‘rsatishni boshladi va mamlakat hukumatini iqtisodiy hamkorlik loyihalariga “ko‘mib tashladi”.

“Ushbu tashabbuslarga endi Toshkent toliblar tomonini jalb qilishga urinmoqda, hech bo‘lmasa, xavfsizlikni ta’minlash sohasida”, — deya qo‘shib qo‘ydi u.

Ham rasmiy hukumatni, ham toliblarni jalb qilgan holda qo‘shma iqtisodiy loyihalarni amalga oshirish juda oqilona qadam, deb hisoblaydi Serenko. Bu tomonlar o‘rtasidagi muloqotni kuchaytirish imkonini berib, pirovardida yarashuvga olib keladi.

“Hozircha urush asosiy biznes bo‘lib qolmoqda… Urush shungacha davom etadi. “Tolibon” urushdan emas, tinchlikdan pul ishlab topishdan ko‘proq manfaatdor bo‘lsagina, u muzokaralar stoliga o‘tiradi”, — dedi ekspert.