Қўшиқчи Азиза Муҳаммедова Sputnik’ка берган интервьюсида Ўзбекистонда тўйлар учун қўшиқларнинг расмий рўйхати тасдиқланиши яхши ташаббус эканлигини айтди.
«‘Ўзбекконцерт’ ходимлари репертуарни белгилаб беришни исташаётгани, менимча, тўғри», — деди у.
Азизанинг фикрича, тўйларда одамлар эски ва яхши таниш бўлиб қолган қўшиқларни эшитишни хоҳлайди. Умуман олганда, «Ўзбекконцерт» билан ишлаган ҳар бир хонанданинг ўз репертуари бўлган.
«Менинг фикримча, булар биринчи навбатда, миллий ҳамда халқ қўшиқларига айланиб улгурган оммабоп ашулалар бўлади», — дея тахмин қилди хонанда.
Унинг сўзларига кўра, тўйларда одамлар ўзлари куйлагиси, қўшиқчига жўр бўлгиси келади. «Шундай қўшиқлар керакки, дастурхон атрофидаги меҳмонлар қўшиқчига жўр бўлсин… Шунинг учун қўшиқчиларнинг репертуарида ҳар хил вазиятлар учун мўлжалланган мусиқий асарлар бўлиши керак», — деди Азиза.
Изоҳ (0)