Ўзбекистон халқ артисти Юлдуз Усмонованинг юриб кетаётган машина ёнида канадалик рэпер Дрейкнинг қўшиғига рақсга тушаётгани акс этган видео ижтимоий тармоқларда кенг муҳокама қилинди.
Интернет фойдаланувчилари икки гуруҳга бўлиниб, биринчиси Юлдуз Усмонованинг ҳаракатларига ижобий баҳо берган бўлса, иккинчиси халқ артистининг рақсини кескин танқид қилган. Мухлислар Юлдуз Усмонованинг ҳожи она эканлигини иддао қилиб, бундай ҳаракатлар унга ярашмаслигини ёзиб қолдирган.
Айни пайтда ижодий сафар билан Америкада бўлиб турган Юлдуз Усмонова бешинчи марта буви бўлгани муносабати билан билдирилган табрикларга миннатдорчилик изҳор этди ҳамда рақси юзасидан ёзиб қолдирилган танқидларга видеожавоб йўллади. Ўзбекистон халқ артисти барчага юракни кенгроқ қилишни, бировларнинг хатти-ҳаракатларидан камчилик излаш ўрнига рақсга тушишни маслаҳат берган.
https://www.instagram.com/p/Bl83I3pgSBn/?taken-by=yulduzibragimovnausmonova
https://www.instagram.com/p/Bl83v0fjxS0/?taken-by=yulduzibragimovnausmonova
Изоҳ (0)