Юлдуз Усмоновадан ўрнак олганлар Kiki Challenge’ни Ўзбекистонда ҳам оммалаштирмоқда (видео)

Kiki Challenge флешмоби Ўзбекистонда ҳам тобора оммалашмоқда. Ижтимоий тармоқларда ўзбекистонликларнинг ҳаракатланаётган машина ёнида рақсга тушаётгани акс этган ўнлаб видеороликлар жойлаштирилмоқда, деб хабар бермоқда «Podrobno.uz».

Ўзбекистон халқ артисти Юлдуз Усмоновани Kiki Challenge флешмобини Ўзбекистонда оммалаштирган биринчи санъаткор дейиш мумкин, дейилади хабарда.

Усмоновадан кейин ҳали бирор эстрада хонандаси ушбу эстафетани давом эттирганича йўқ.

Маълумот учун, Kiki Challenge – интернетдаги оммабоп флешмоб бўлиб, унинг иштирокчилари юриб кетаётган машинадан сакраб тушиб, Дрейкнинг қўшиғига рақсга тушиши ва жараённи видеога тушириб, уни ижтимоий тармоққа жойлаштириши керак.