22 июнь санасидан ўрин олган футбол бўйича Россияда бўлиб ўтаётган Жаҳон Чемпионатининг 2-тур ўйинлари ниҳоясига етди.
Куннинг сўнгги ўйини «E» гуруҳи вакиллари — Сербия ҳамда Швейцария терма жамоалари ўртасида кечди.
Учрашувда ҳисоб Сербия ҳужумчиси Александр Митрович томонидан 5-дақиқадаёқ очилди. Биринчи бўлим сербларнинг 1:0 ҳисобидаги ғалабаси билан якунланди.
Иккинчи бўлимнинг 52-дақиқасида Лондоннинг «Арсенал» клуби ярим ҳимоячиси Гранит Жака жарима майдончаси ташқарисида кучли зарба йўллаб, серблар дарвозасини ишғол қилди.
Учрашувнинг 90-дақиқасига келиб, катта саҳнага Жердан Шакири чиқди. У гол уриб, аввалига ҳисобда ортда борган жамоасининг якунда ғалаба қозонишини таъминлади.
Шу тариқа «E» гуруҳида плей-офф масаласи 3-турда ҳал бўладиган бўлди.
Жаҳон Чемпионати
«E» гуруҳи, 2-тур беллашуви
22 июнь, жума
Сербия—Швейцария 1:2
Голлар: 1:0 — 5 Александр Митрович, 1:1 — 52 Гранит Жака, 1:2 — 90 Жердан Шакири.Сербия: Стойкович, Иванович, Миленкович, Тошич, Коларов, Миливоевич (Радонич, 81), Матич, Тадич, Милинкович-Савич, Костич (Ляйич, 65), Митрович.
Швейцария: Зоммер, Лихтштайнер, Шер, Аканджи, Родригес, Беҳрами, Жака, Шакири, Жemailи (Эмболо, 73), Цубер (Дрмич, 90), Сеферович (Гавранович, 46).
Огоҳлантиришлар: Милинкович-Савич (33), Миливоевич (39), Матич (45), Митрович (87), Шакири (90)
Изоҳ (0)