Самарқанднинг «Динамо» клуби жамоанинг собиқ аъзоси Сирожиддин Сайфиевнинг ҳисоб-рақамига 40 миллион сўм ўтказиб берди, деб хабар беради ЎФА матбуот хизмати.
Бир неча йил «Динамо» сафида ўйнаган Сирожиддин Сайфиев клубнинг ундан молиявий қарздорлиги бор экани хусусида ЎФАга мурожаат қилган эди.
Ва ниҳоят менга йиғилиб қолган қарзлар тўлаб берилди. Айтишим керакки, «Динамо» менга ўз ҳисобидан хайрия қилмади, балки менинг ўз вақтида берилмаган иш ҳақимни қайтарди. Энди бу пулларни муолажалар учун сарфлайман. Зора шифо топишимда бунинг ҳам нафи тегиб қолса. Бунда менга кўмак кўрсатган ЎФА раҳбариятига ўз миннатдорчилигимни изҳор этмоқчиман. Уларнинг кўмагидан мамнунман.Маълумот учун Сирожиддин Сайфиев оғир жароҳат туфайли футболчилик фаолиятини якунлаганидан сўнг унда саратон касаллиги аломатлари мавжудлиги аниқланганди. Клуб эса бир неча йил давомида унинг иш ҳақини беришдан бўйин товлаб келган эди. Шунингдек, аввалроқ айнан шу масалада журналист Фарҳод Норбўтаев Сирожиддин Сайфиев номидан Самарқанд вилояти ҳокими Туробжон Жўраевга мурожаат йўллаган эди.Сирожиддин Сайфиев, собиқ футболчи
Изоҳ (0)