Қозоғистон президенти Нурсултон Назарбоев Шанхай ҳамкорлик ташкилотининг аъзо мамлакатларига ўзаро ҳисоб-китобда миллий валютадан фойдаланиш ва шу орқали иқтисодий хавфсизликни таъминлашни таклиф қилди, деб хабар бермоқда «Kommersant.uz».
«Бугун дунёда халқаро валюта бозорининг диверсификацияси, валюта қарамлиги хавфларини камайтириш ва криптовалюталарнинг пайдо бўлиши ҳақида кўп гапирилмоқда. Шунинг учун мамлакатларимиз иқтисодий хавфсизлигини таъминлаш йўналишларидан бири сифатида ШҲТ мамлакатларига ўзаро ҳисоб-китобда миллий валютага ўтишни таклиф қиламан», — дея Назарбоев 10 июнь, якшанба куни ШҲТга аъзо давлатларнинг 18-йиғилишида таклиф қилди.
Қозоғистон президентининг сўзларига қараганда, Циндаодаги саммитдан кейин ШҲТ мамлакатлари марказий банклари вакиллари йиғилиб, «йўл харитаси»ни ишлаб чиқишни бошлашлари мумкин.
«Мамлакатларимиз ўртасидаги тижорат-инвестицион лойиҳаларни икки тарафлама эмас, кўп тарафлама бўлишига эришишимиз муҳим. Биз ташкилот доирасидаги лойиҳаларни ҳамкорликда молиялаштириш ва технологик ресурсларни мобилизация (ҳаракатга келтириш) қилишнинг тарафдоримиз, — дейди Нурсултон Назарбоев.
Изоҳ (0)