АҚШнинг Калифорния штатида 6,7 магнитудали зилзила содир бўлиши мумкин. Бунга илгари “ухлаб ётган” Konkord ёриғининг фаоллашуви сабаб бўлиши кутилмоқда. Бу ҳақда АҚШ Геологик хизмати олимларига таяниб San Fransisco Chronicle нашри хабар берди.
Геологларнинг маълумотига кўра, Konkord ёриғи илгари жойлашган нуқтасидан 400 метрга силжиган. Бу ҳолат Сан Францисконинг шарқий қисмидаги турар жойлар ва мактаблар учун жиддий хавф туғдирмоқда.
Маҳаллий аҳоли ер қатламининг ҳаракатига ўзлари гувоҳ бўлмоқда. Айрим жойларда ер юзасининг силжиши сабаб сув таъминотида муаммолар юзага келган. Асфальт йўлларда эса нотекисликлар қайд этилган.
Шунга қарамай, ёриқнинг фаоллашуви аҳолига қанчалик хавф туғдириши ҳозирча аниқ эмас.
Биз судралувчи ёриқ қанчалик чуқурда эканини билмаймиз, шу боис сейсмик хавф даражаси ҳозирча ноаниқ бўлиб қолмоқда, деди геолог Роланд Бургманн.
2024 йил 5 декабрда АҚШнинг Калифорния штати яқинидаги Cапе Мендоcино ҳудудида 7 магнитудали зилзила содир бўлганди. Зилзила океан тубида юз берган бўлса-да, у яқин атрофдаги ҳудудларда сезиларли тебранишларга сабаб бўлган. Бу АҚШда 2024 йилда қайд этилган энг кучли зилзилалардан бири ҳисобланади.
Изоҳ (0)