Сингапурдаги Сентос оролида КХДР ва АҚШ етакчилари учрашадиган Capella меҳмонхонаси ҳудудини кўриш мумкин бўлган махсус аттракцион очилди, деб ёзади «ТАСС».
Барча истовчиларни Tiger Sky Tower ёпиқ платформаси 130 метр баландликка олиб чиқади, у ердан меҳмонхона жойлашган 12 гектар ҳудуд кўриниб туради. Чипта нархи 20 Сингапур доллари (15 доллар)га тенг.
Айни пайтда меҳмонхона яқинида пиёдалар йўлаклари бўйлаб икки метрли тўсиқлар ўрнатилган, журналистларга меҳмонхона дарвозаси яқинида фото ва видео тасвирга олиш тақиқланган, хавфсизлик хизмати ходимлари 50 метрдан яқинроқ келмасликни талаб қилмоқда.
Изоҳ (0)