КХДР давлат телевидениеси тонгги янгиликлар дастурида мамлакат етакчиси Ким Чен Иннинг АҚШ президенти Дональд Трамп билан саммитда иштирок этиш учун Сингапурга ташриф буюргани ҳақида хабар берди, деб ёзади «ТАСС».
Янгиликлар сюжетига Ким Чен Ин Сингапурга учиб кетишдан олдин Пхеньян аэропортида фахрий қоровулни текшираётгани, КХДР дипломатлари билан қўл бериб кўришаётгани, шунингдек, самолёт трапида туриб қўл силкитаётгани акс этган кадрлар кирди.
Бундан ташқари, КХДРлик томошабинлар Ким Чен Ин Сингапурга етиб келганидан кейин мамлакат ташқи ишлар вазири Вивиан Балакришнан билан саломлашаётганини ва кортежда St. Regis меҳмонхонасига йўл олганини кўрди. Шунингдек, Ким Чен Иннинг Сингапур бош вазири Ли Сянь Лун билан учрашуви ҳақида маълум қилинди.
Изоҳ (0)