Россиянинг Екатеринбург шаҳрида автобус иштирокидаги авария оқибатида 24 киши жабрланди, деб ёзади «РИА Новости».
29 май, сешанба куни маҳаллий вақт билан 16:15 да Сибир трактининг еттинчи километрида Daewoo Nexia енгил автомобили йўловчи автобуси билан тўқнашиб кетди. Йўл-транспорт ҳодисаси оқибатида автобус йўл четидаги ариққа қулаб, ағдарилиб кетди. Ҳодиса юз берганда унда 30 киши бор эди. ИИВ вилоят раҳбари 17 киши шифохонага ётқизилганлиги ҳақида маълум қилган.
«Дастлабки маълумотларга кўра, 24 киши жабрланган, улардан баъзиларининг аҳволи ўрта ва оғир даражада. Жабрланувчиларнинг сони ҳали аниқланмоқда, чунки улар шифохоналарга ётқизилмоқда», — дейди агентлик суҳбатдоши.
Изоҳ (0)