Россия президенти Владимир Путин ва Шимолий Корея етакчиси Ким Чен Иннинг учрашуви Владивостокда 11—13 сентябрда бўлиб ўтадиган Шарқий иқтисодий форум доирасида бўлиб ўтиши мумкин. Бу ҳақда дипломатик манбалар маълум қилди, дея хабар беради «РБК».
«Ҳозирда турли вариантлар муҳокама қилинмоқда ва кўриб чиқилмоқда. Улардан бири форумдаги музокаралар варианти. Ким Чен Иннинг Путин йўллаган мактубга жавобини кутяпмиз», — таъкидлади манбалар.
КХДР етакчиси Россияга расмий ташриф билан келиши кутилаётганини Давлат думаси спикерининг биринчи ўринбосари Иван Мелников ҳам Шимолий Корея праламенти депутатлари билан учрашувида тасдиқлади.
«Биз ташқи ишлар вазири Сергей Лавровнинг мамлакатингизга ташрифини диққат билан кузатдик. У президент Путиннинг, жумладан, сентябрь ойида Владивостокда бўлиб ўтадиган Шарқий иқтисодий форум доирасида Россияга расмий ташриф буюриш таклиф этилган мактубини ўртоқ Ким Чен Инга етказганидан хабаримиз бор», — деди Иван Мелников.
Изоҳ (0)