Халқаро болаларни ҳимоя қилиш куни муносабати билан Хўжайли туманидаги «Меҳрибонлик уйи»га Қорақалпоғистон Республикаси Жўқорғи Кенгеси томонидан Isuzu автобуси топширилди. Бу ҳақда ЎзА мухбири Есимхан Қаноатов хабар берди.
— Болалар байрамига бағишланиб республика миқёсида «Ҳар бир болага меҳр, эътибор» шиори остида ўтказилган тадбирлар доирасида автобуснинг берилиши болажонлар учун ҳақиқий байрам совғаси бўлди, — дейди Қорақалпоғистон Республикаси халқ таълими вазири Аманжол Аяпов. — Жўқорғи Кенгес томонидан берилган 275 миллион сўмлик Isuzu автобуси тарбияланувчиларини турли саёҳатларга олиб боришда қўл келади.
Қорақалпоғистон Халқ таълими вазирлиги ва «Экосан» ташкилоти томонидан меҳрибонлик уйи тарбияланувчиларига кийим-кечаклардан иборат совғалар тақдим этилди.
Маълумот учун, Меҳрибонлик уйида 145 нафар бола тарбияланмоқда. 16 тўгараклар тарбияланувчилар ихтиёрида.
Изоҳ (0)