Французлар ўз қўшнилари — швейцарияликлар пул тежаб қолиш мақсадида чиқиндиларини уларнинг мамлакатига ташлаб кетаётганидан шикоят қилмоқда. Гап шундаки чиқиндиларни утилизация қилиш учун Швейцария аҳолиси каттагина пул тўлаши лозим, деб хабар берди Euronews.
Жорий йил бошидан буён Франциянинг Франш-Конте ҳудуди ҳукумати хориждан 10 тонна «ифлос чиқинди» олиб келинганини маълум қилди. Бунга исбот сифатида чиқиндихоналарга ўрнатилган кузатув камераларидаги видеолар ҳам келтириб ўтилган. Кадрлардан кўриш мумкин, Швейцария давлат рақамлари илинган машиналарда келган шахслар яширинча чиқинди қопларини ташлаб кетмоқда.
Француз ҳуқуқ-тартибот ходимлари «чиқинди тарифи»га қарши курашишга қодир эмас. Улар видео далилларни швейцариялик ҳамкасбларига юбориб «жиноятчилар»нинг жазоланишига умид билдирмоқда.
Изоҳ (0)