АҚШ президенти Дональд Трамп Федерал қидирув бюроси 2016 йилда бўлиб ўтган президентлик сайловлари вақтида ўзининг сайловолди штабига жосус жойлаштирганига ишончи комил эканлигини билдирди. Бу ҳақда Fox News телеканалига таяниб, «Коммерсантъ» хабар берди.
«Уларнинг одамлари бизнинг кампаниямизга кириб борган эди. Тасаввур қилиб кўринг, одамлари бизнинг компаниямизга кириб оларди?», — дейди президент Теннесси штатидаги чиқишида.
Америка ОАВлари май ойида «Россия иши» билан шуғулланаётган махсус прокурор Роберт Мюллер президентга беришни истаган 44 та саволнинг рўйхатини эълон қилганди. Ушбу саволлар президентнинг сайловолди кампаниясига, Trump Organization компаниясининг Россия фуқаролари ва фирмаларига алоқаси, шунингдек, бўлажак президент ўз юристлари фаолияти билан, хусусан, Майкл Коэн ҳақида қанчалик батафсил маълумотга эга бўлганлигига доир эди.
Кейинроқ Дональд Трамп терговнинг адолатли дея ҳисоблаганида махсус прокурор билан учрашган бўлиши мумкинлигини маълум қилган.
Изоҳ (0)